रुसुवा बाढीपीडितका लागि धर्मगुरु विजय कृष्णमूर्ति महाराजद्वारा १ लाख ११ हजार १११ रुपैयाँ सहयोग

काठमाडौं, रुसुवाको भोटेकोशी नदीमा आएको विनाशकारी बाढीबाट प्रभावित नागरिकहरूको राहत तथा पुनःस्थापनाका लागि धर्मगुरु विजयकृष्णमूर्ति महाराजले एक लाख ११ हजार १११ रुपैयाँ आर्थिक सहयोग गर्नुभएको छ।

मिति २०८३ साल भदौ १० गते बुधबार बिहान करिब ८ः४० बजे रुसुवाको भोटेकोशी नदीमा आएको बाढीका कारण ठूलो जनधनको क्षति भएको छ। उक्त बाढीबाट रसुवा, नुवाकोट, धादिङ र गोरखालगायत जिल्लाका तटीय क्षेत्रहरू प्रभावित बनेका छन्।

विपद्लगत्तै सरकारले प्रभावित क्षेत्रमा उद्धार, खोज तथा राहतका कार्यलाई तीव्रता दिएको छ। बाढीबाट भएको मानवीय तथा भौतिक क्षतिको विस्तृत विवरण संकलन गर्ने कार्य पनि जारी रहेको बताइएको छ।

यस विपद्बाट प्रभावित नागरिकहरूलाई तत्काल सुरक्षित स्थानमा व्यवस्थापन गर्नुका साथै दीर्घकालीन रूपमा पुनःस्थापना गर्नु आवश्यक रहेकाले सहयोगका लागि सबै पक्षसँग अपिल गरिएको छ।

यसै क्रममा प्रधानमन्त्री तथा मन्त्रिपरिषद्को कार्यालयको अनुरोध अनुसार प्रधानमन्त्री दैवी प्रकोप उद्धार कोष तथा प्रधानमन्त्री राहत कोषमा बाढीपीडितको सहयोगका लागि धर्मगुरु विजयकृष्णमूर्ति महाराजले १,११,१११ रुपैयाँ सहयोग गर्नुभएको हो।

प्राप्त विवरणअनुसार उक्त रकम “PRIME MINISTERS DISASTER RELIEF FUND” को नाममा क्यूआर भुक्तानीमार्फत जम्मा गरिएको छ।

विपद्को कठिन घडीमा पीडित नागरिकहरूको राहत र पुनःस्थापनाका लागि गरिएको यो सहयोगले प्रभावित परिवारहरूलाई सहयोग पुग्ने विश्वास गरिएको छ। बाढीपीडितहरूको उद्धार, राहत तथा पुनःस्थापनाका लागि सरकारले सञ्चालन गरिरहेको अभियानमा सक्दो सहयोग गर्न सबैमा अनुरोध समेत गरिएको छ।

प्रधानमन्त्री दैवी प्रकोप उद्धार कोष तथा प्रधानमन्त्री राहत कोषमा बाढी पीडितको सहयोगका लागि QR