रामेछाप।  २०८१ भदौ ८ गते राति अविरल बर्षाको कारण दोरम्बा शैलुङ गाउँपालिका वडा न.  ३ लेखर्कमा गएको पहिरोमा परि ६५ घर परिवार बिस्थापित भएका थिए भने १० जनाको ज्यान गएको थियो, एक जना घाईते भएका छन।

गाउँपलिकाले अस्थायी टहरा निर्माण गरि सुरक्षित ठाउँमा राख्न सोहि वडाको टोकरपुरमा अस्थायी टहरा निर्माण कार्यमा जुटीरहेको छ। ६५ घरपरिवारलाइ व्यवस्थित गरेर राख्ने कुरा निकै चुनौतिको कुरा हो तथापी यतिबेला स्थानिय सरकारले तदारुकताका साथ अभिभावकत्व जिम्मेवारी देखाएको देखिन्छ भने स्थानिय जनताले सरकार भएको महसुस गर्न पाएको श्रोत बताउछ।

पहिरो पिडितको अबस्थालाई मध्यनजर गर्दै पिडितहरुको पिडामा मल्हमपट्टी लगाउन दोरम्बा शैलुङ गाउँपालिका वडा न. ५ गुन्साल स्थाई घर भई काठमाडौंमा मजदुरी गर्दै आउनु भएका समाज सेवि तथा नेकपा माओबादी केन्द्रका युवा नेता पाल्देन लामाले आर्थिक संकलन अभियान संचालन गरी टहरा निर्माण गर्नका लागि ३,०३,६१५ अक्षरारुपी तीन लाख तीन हजार छ सय पन्ध्र रुपैया गाउँपालिका अध्यक्षलाई हस्तान्तरण गरिसकेका छन, भने सोहि गाउँपालिका वडा न. ५ कल्लेरी भैसेमा असोज ८ गते गएको पहिरोमा ४ घर पूर्ण रुपमा क्षति भएको थियो र एक जना घाइते भएको थिए, सो परिवारलाई पनि अनुमानित एक लाख रुपैया दिनको लागि सहयोग संकलन गरिसकेको लामाले बताउनु भयो।

ईच्छाशक्ति भए कुनै कुरा असम्भव रहेनछ भन्ने ज्वलन्त उदाहरणका पात्र हुन पाल्देन लामा। यो विषम परिस्थितिमा बाडी पहिरो पिडितहरुलाई सहयोग गर्न का लागि सबै एक जुट भएर अगाडी बढ्न सबैलाई अनुरोध सम्म गर्नु भएको छ।