प्रकाश बराईली “अभिब्यक्ती”
काठमाडौं, नेपाल
राष्ट्रिय लोक तथा दोहोरी गीत प्रतिष्ठान नेपाल, उपत्यका समन्वय समिती, काठमाडौंको आयोजनामा पुस १० गतेका दिन “स्व. मञ्जु, दुर्गा स्मृति समन्वय फुटशल कप” को सातौं संस्करण सम्पन्न भएको छ ।
सो कप सोही समितिका अध्यक्ष सुजन लम्सालको अध्यक्षता र केन्द्रिय अध्यक्ष रमेश बिजिको प्रमुख आतिथ्यता रहेको थियो । औपचारिक कार्यक्रमको सञ्चालन उपत्यका समन्वय समितीका सचीव रामु खड्काले गरेका थिए । यस प्रतियोगितामा १२ वटा समुहले भाग लिएका थिए । प्रतियोगिता एकदमै रोचक र मैत्रीपूर्ण रुपले सम्पन्न भएको थियो ।
प्रतियोगितामा उपत्यका समन्वय समिती (आयोजक) प्रथम, कमलादी समिती द्वितीय हुन सफल भएका थिए । स्व. मञ्जु, दुर्गा स्मृति समन्वय फुटशल कपमा रमेश बाबु थापा उत्कृष्ट खेलाडी, नरेश एमसी सर्वाधिक गोलकर्ता, प्रीतम थापा उत्कृष्ट गोलरक्षक, हरि डाँगी उत्कृष्ट डिफेन्डरको रुपमा सम्मानित भएका थिए ।
केन्द्रिय अध्यक्ष रमेश बिजि र निवर्तमान अध्यक्ष बद्री पंगेनीको हातबाट बिजेताहरुलाई ट्रफी र मेडल बितरण गरिएको थियो । शिब हमालको कार्यकालबाट सुरुवात भएको यस प्रतियोगिताले निरन्तरता पाउने कुरामा बिश्वास ब्यक्त गर्दै प्रतियोगिता सफल बनाउन सहयोग गर्नुहुने सम्पुर्ण समिती, कलाकार, सहयोगी संस्थालाई आभार प्रकट गर्दै अध्यक्ष सुजन लम्सालले कार्यक्रम बिर्सजन गरेका थिए ।
