प्रकाश बराईली “अभिब्यक्ति”
काठमाडौं, नेपाल
राष्ट्रिय लोक तथा दोहोरी गीत प्रतिष्ठान नेपाल, उपत्यका समन्वय समिति, काठमाडौंको आयोजनामा “बृहत बनभोज तथा साँस्कृतिक कार्यक्रम” फागुन ८ गतेका दिन काठमाडौं स्थित टोखा भुत खेलमा सम्पन्न हुने भएको छ ।
यस कार्यक्रममा राष्ट्रिय लोक तथा दोहोरी गीत प्रतिष्ठान नेपाल उपत्यका समन्वय समिति काठमाडौं आयोजकको रुपमा रहने छ भने यस समिती भित्र रहेका ९ वटा समितिहरु सह – आयोजकको रुपमा रहने कुरा जानकारीमा आएको छ ।
लकडाउन पछि ढिला भएतापनि प्रत्यक बर्षको बार्षिक कार्यक्रम भित्र यस कार्यक्रम पनि रहेको हुनाले निरन्तरता दिन लागिएको भन्दै सबैले आर्थिक, नैतिक, भौतिक रुपमा सहयोग गरिदिन राष्ट्रिय लोक तथा दोहोरी गीत प्रतिष्ठान नेपाल, उपत्यका समन्वय समिति, काठमाडौंका अध्यक्ष सुजन लम्सालले अनुरोध गरेका छन् ।
बृहत बनभोज तथा साँस्कृतिक कार्यक्रममा लोक दोहोरी क्षेत्रका ख्याती प्राप्त कलाकारहरु देखी नयाँ कलाकारहरुको उपस्थिती रहने कुरा आयोजक पक्षले जानकारी गराएको छ ।
